Allahın adı ilə

بسم الله الرحمن الرحیم

كُلُّ نَفْسٍ ذَائِقَةُ الْمَوْتِ ۗ وَنَبْلُوكُم بِالشَّرِّ وَالْخَيْرِ فِتْنَةً ۖ وَإِلَيْنَا تُرْجَعُونَ (انبیاء ۳۵)

Hər bir canlı ölümü dadacaqdır. Yoxlamaq məqsədilə Biz sizi şər və xeyirlə imtahana çəkərik. Siz Bizim hüzurumuza qaytarılacaqsınız! (Ənbiya surəsi: 35)

Əziz müsəlmanlar, son günlərdə Suriya, İran və Türkiyədə baş vermiş zəlzələ nəticəsində həyatını itirən ata-analar, qardaş-bacılar, oğul- qızlarımıza İlahidən rəhmət və məğfirət, yaralılara isə acil şəfa diləyirik. Arzu edirik qardaş və qonşu xalqların birliyi və həmrəyliyi bu ağır faciəni arxada qoymağa ən önəmli amil olacaq, tezliklə viran olmuş şəhərlər və kəndlər bərpa olacaq və həyat öz axarına geri qayıdacaq.

Bu gündən etibarən suriyalı, iranlı və türkiyəli müsəlman bacı-qardaşlarımızın əzasında mərkəz daxilində 7 gün müddətinə «Matəm günləri» elan edilir.

Bu gündən dərslər və bütün proqramlar zəlzələ qurbanlarının ruhuna Fatihə və dualarla başlayacaqdır.

Mərkəz, yaralıların şəfası üçün, zəlzələdə rəhmətə gedənlərin və vətən müharibəsində şəhid olanların ruhuna hədiyyə olaraq bu gündən Quran xətminə start verir.

Fevral ayının 16-sında saat 21:30, Virtual «Əl-Məhdi (əc)» məscidində onlayn xətm məclisi təşkil ediləcək. Quran xətmində iştirak etmək istəyən müəllim və tələbələr Teleqram vasitəsilə aşağıdakı nömrə ilə əlaqə saxlaya bilərlər.

 00989902370738

Allah cəmi şəhidlərimizə və faciədə canlarını itirmiş bacı-qardaşlarımıza rəhmət eləsin!

Hüzn və kədərlə: «Əl-Məhdi (əs)» İslam Maarif Mərkəzinin müdiriyyəti, tələbələri və xadimləri

09.02.2023 - Bakı şəhəri